Ako si Professor Owlie, ang iyong kasama sa masayang paglalakbay sa pagkatuto. Sa aklat na ito, makikilala mo ang iyong sarili—ang iyong katangian, pangangailangan, interes, karapatan, at tungkulin.
Unti-unting lalawak ang iyong mundo: mula sa iyong sarili, tungo sa iyong pamilya, hanggang sa iyong paaralan at pamayanan. Sa bawat aralin, may larawang tititigan, kuwentong babasahin, konseptong matututuhan, gawaing sasanayan, at pagpapahalagang bubuuin.
Sa tulong ng mga larawan at masasayang gawain, lalago ka nang may tiwala sa sarili, paggalang sa kapuwa, at pagmamahal sa bayan. Halina’t simulan ang ating paglalakbay!
